吴奇隆的烟火 剧场版 （独白：郭静）第一次嚟到北京玩
仲要系自己一个人
而我只系识得讲地到香港人个啲唔咸唔淡嘅国语
我都算系好大胆
北京呢个地方唔算细
但系我竟然遇见一个男仔好几次
呢一次佢居然走埋嚟自我介绍添
死喇，我都唔知应该讲啲咩野好
原来佢系由台湾嚟嘅
佢仲以为我系本地人
仲赞我比起本地嘅女仔靓得嚟仲摩登啲添
......
]（独白：郭静）于是我剩返落嚟果个礼拜嘅行程
就系同呢个男仔系埋一齐
一齐去长城上便睇我地祖国嘅风光
我地都好陶醉
大家都好似忘记咗香港太平山
同埋台湾阿里山嘅景色
语言已经唔再系我地之间嘅隔膜
但系一个礼拜好快就过咗
佢同我讲咗句说话
我是一缕烟，而你是一团火
佢呢一缕烟就系因为我呢一团火产生
但系我只系可以答佢话
当烟火烧到最后最后
烟就会飘走，火就会熄灭
而两者都唔再属于呢处地方
......
（独白：郭静）自从上次北京旅游返嚟之后
唔知点解自己有个冲动去学国语
连我死党阿may都觉得我返嚟之后
D唔咸唔淡嘅国语好咗好多
我唔知系咪希望有一日……
真系傻喇
初初我地以为分开之后
大家可以忘记对方
所以都冇交换到联络地址同埋电话
其实真系厄人嘅潇洒
唔知佢台湾个边做紧D乜野？
有冇谂起我呢？
（独白：郭静）有次同埋班朋友去烧野食
睇倒碳炉里面D烟同火
唔知点解流咗眼泪出嚟
阿MAY问我系咪比D烟烟亲只眼
我同佢讲话引因火而生
但当烟火烧到最红最后
烟就会飘走，火就会熄灭
阿MAY 唔明我讲D乜野
不过佢就话我个番说话同张报纸嘅寻人广告一样
[我即刻罗起张报纸嚟睇
上面写住：
烟火虽然暂时熄灭
但系只要一天一天等下去
烟火总有一天重燃
......
（独白：郭静）报纸上面仲留咗个香港地址同电话号码添
阿MAY问我做咩无烟仲系度喊？
而睇倒张报纸又会甘开心嘅？
我话因为我要去打电话
而接电话嘅佢竟然讲起D唔咸唔淡嘅广东话
温馨提示：答案为网友推荐，仅供参考